|
Juan Vázquez Tenreiro. A Frecha Ferrolá |
|
Escrito por administrador
|
|
Sábado, 09 Febreiro 2008 |
Juan Vázquez Tenreiro (Ferrol, 14-07-1912) foi o primeiro futbolista
ferrolán en ganar a Liga española e ser internacional. A "Frecha
Ferrolá", como foi coñecido en Madrid e na prensa deportiva estatal
durante os anos corenta do pasado século, era un extremo de pequena
estatura, moi veloz e habilidoso, que non deixou a ninguén indiferente.
Vázquez xogaba no Ferrol (equipo nacido en 1933 e desaparecido anos
despois) e o Racing non tardou en botarlle o ollo, incorporándoo en
1934/35, a campaña do debut verde na 2ª División. Alí coincidiu con
Pedrín, Toralla, Xelo, Chavea, Momán, Silvosa, Rivera, Cagigao,
Pallarés..., con algúns deles coincidira no Ferrol. Juanito marcou tres
goles en catro partidos do accidentado campionato superrexional -xogado
entre galegos e asturianos- e fixo sete goles (foi o máximo realizador
do equipo) en trece partidos ligueiros. Non foi dabondo para evitar o
descenso.
|
|
|
Vázquez: un racinguista na furia española |
|
Escrito por administrador
|
|
Mércores, 30 Xaneiro 2008 |
 Joaquín Vázquez González (Badaxoz, 09-11-1897) foi o primeiro
futbolista do Racing que foi internacional vestindo a camiseta da
selección española. Afincado dende neno no País Vasco (en Irún) pola
profesión do seu pai, que era carabineiro, Vázquez chegou a Ferrol a
primeiros do 1919 para cumprir os seus deberes militares no 2º
Reximento de Infantería da cidade departamental.
Procedía da Real Unión
de Irún, potente clube nacido en 1915 da fusión de Racing (no que
xogara dende 1914) e Irún Sporting. Alí, o futbolista pacense exercía
xunto ao excelso Patricio Arabolaza labores de ataque.
|
|
|
Presentación do libro "Historia da selección galega de fútbol 1922-2006" |
|
Escrito por administrador
|
|
Martes, 25 Decembro 2007 |
 O pasado xoves 20 de decembro de 2007 foi presentado o libro "Historia
da selección galega de fútbol 1922-2006", do que é autor o presidente
do Círculo Racinguista, Jorge M. Deza. O acto, moderado polo xornalista
Xan Morales, tivo lugar no Ateneo Ferrolán, e asistiu tamén ao mesmo
Óscar Losada, editor da obra.
Escoita a presentación:
|
|
|
Manuel Rivera Martorell. O mito racinguista |
|
Escrito por administrador
|
|
Domingo, 09 Decembro 2007 |
 Manuel Rivera Martorell foi un dos xogadores máis lonxevos na historia
racinguista, un dos mellores medios centro do fútbol galego anterior á
Guerra Civil e, sobre todo, o futbolista máis carismático e senlleiro
do Racing de todos os tempos.
Nacido en A Graña no mes de outubro do 1904, pasou do C.D. Ferrol
(equipo creado no seo da "Escuela Nocturna Obrera") ao Racing Ferrol
F.C. no 1923 erixíndose moi cedo nunha estrela que non tardou en chamar
a atención fóra da cidade.
Foi campión galego co cadro verde en dúas
ocasións (1928/29 e 1937/38) e estivo a piques de acadar a
internacionalidade con España. Asemade, foi pretendido por diversos
clubes pero o seu amor por Ferrol (onde tiña o seu traballo no
estaleiro) e polo Racing lle fixo manterse fiel ás cores até a retirada
no verán de 1938. Só tivo unha curta paréntese lonxe do clube na
temporada 1933/34, cando aliñou co C.D. La Coruña durante a competición
ligueira da 2ª División.
|
|
|
|
<< Inicio < Anterior 1 2 3 4 5 6 7 Seguinte > Final >>
|
| Resultados 19 - 27 de 61 |
